وەرزی پێنجەم
وەرزێکە بەڕیوە هیچ لە بەهار ناکا
وەرزی پێنجەم
گیا بە پووشی سەر دەردێنێ
کزەی شەو با
هەر گەڵایە و دەیوەرێنێ
باڵەندە بێ باڵ کەوتووە
ڕوبار لە توونیا مردووە
تەنیا نەوا گورگەلوورە
ئاسۆی هیچ ڕوون نیە و سوورە
دڵی چیا کز لێدەدا
شەوە زەنگە و
شەوە کۆرپەی کوێستان دەبا
ئەوەی هیوا دەخاتە دڵ
ژیلەمۆیە و تینی سکڵ
"خاکەلێوەی ١٤٠٢"
بەشێک لە من...
بەشێک لە من لە شوێنێک ون بووە
دوور کەوتۆتەوە لە خۆم و
هەنگاوی ناگاتە ئەو زایەڵە سەوزانەی لێم وەرین،
کەوتنە ژێر پێی پاییز و شەتاو بۆ عەدەمی بردن!
بەشێک لە من لە شوێنێک وەیلانە،
سەرەندەری هیچ ناونیشانێک ناکا،
بێ نیشتمانە و بێ دەرەتان!
بەشێک لە من نە خۆمی دەوێ نە خاکم نە خودام!
بەشێک لە من نامۆیە لە هەموو جیهان و
سەرەڕۆیە بەرەو شوێنێکی نەبوو!
بەشێک لە من حەزێکە بۆ دۆزینەوەی بەشە ونبووەکانم
بیانبەمەوە بۆ نیشتمان
دەستیان بگرم هەنگاو بنێن
بیاندوێنم شێعر بڵێن
پێیان بڵێم ئارام بگرن،
ئەرخەیان بن
چیدی ناهێڵم وەیلان بن!
پووشپەڕی ١٣٩٧
وشە خەمبارەکانی ناو رێگا
ئەمە هەستێکی ناسک نیە!
هەستی خاوی مێیینەیەک،
بە گرمە و نەڕەی دەروونی رەگەزێکی زبر نیە!
ئەمە لە ئەوین ناکا، لە ئەشق ناچێ!
هەنیسکی داماوانەی گراوێکە شیاوی بەزەیی!
دەستی لەرزۆکی مرۆڤە، بە داوێنی بێ هۆی مرۆڤێکی ترەوە!
تەمەننای گشت خانەکانی لەشە،
بۆ هەڵمژینی هەناسەی ئەزەلی لە سییەکانی یاردا!
ئەمە شێتیەتییە، نەبوونی لۆژیکە لە خورپەی دڵێکی هەراسان دا!
ئەمە یەکەم پێناسەی بوونی منە، دوایین هۆی ژیان!
ئەمە منم، ئەوەش تۆ باوان!
١٣٩٤
گەڵای دەروون
هاوشێوەی زەردە گەڵا
دەستی بەربووم لە دار
نە ئەگاتەوە بە لقی خۆم و
نە هەدایەک بەدی ئەکەم لەسەر زەوی!
چ ئەزموونێکە ئەم سەرگەردانییە؟!
هاکا بۆ بارانێکی پاییزی و خوسانێک
هاکا بۆ ڕەشەبایەک و بێ سەرەوشوێنی
یا خود خزین بۆ سووچێک و لەبیری دارستان چوونەوە!
ئێستا من بەشێکم لە خشپەی شەقام و
لە زەردی کۆڵان و
لە ڕەوە گەڵای بەر گسکەکان!
چاوم لە ڕێی ڕەشەبایەکە!
١٣٩٥/٠٦/٢٢
باوان
کە قاقڕ بوو پێدەشتی هەست
شەونمی خەیاڵت کەرەمی ئەکرد.
خەم خۆی لە نووکی خامەم ئەسوو و
سڵی ئەکرد لە وشەی "تۆ" ،
ئەبوویتە یەکەم بزەی ئەوینی ئەو گەرمە شارە؛
سروەیەکی ساکار بووی و
شنەیەکی شەویار !
رۆحی غەریبت تەشەنەی ئەکردە وجوودی ئاشنام و
من ئاشقی خانە خۆڵەمێشییەکانی مێشکت ئەبووم!
هەنووکە ؛
شێواوە گەردوون!
ئاسمان لێڵ و
زەوی سوور!
ژیان چۆڵە لە بزەی سەوز و
روو ناکاتە چ دڵێک، هیوا!
قەیران دوای "ئاو" ، ئەوینە بەڵام
بوونت ئیلهامی ئاشتی و ئازادی یە،
بژی باوان!
لە هەرای ئەم دۆخە شپرزەدا
من دڵنیام ،
تۆ بە ڕەچەڵەک ئەچیتەوە سەر کۆتر و
سەر ئاونگی کازیوەی گوڵاڵەی کوێستان!
گومانی حیلەی ئەسپە وەحشیەکان لە دەنگت ئەکەم،
سنگت بیری نیشتمانم ئەخاتەوە و
دەستت بیری خۆم!
کوانووی سۆزی نیگات لە چاوی لاس و مەم ئاو ئەخواتەوە
ئەڵێی هەر لە ئەزەلەوە "باوان" بووی، باوانەکەم!
"من" ێکی تر
حەسرەتێک لە بۆنی تۆ
لە مندا پەنگ ئەخواتەوە
گڕ ئەگرێ لە لێومدا و
لە چاومدا رەهێڵەیە!
کە من ئیمانم هێنا بە شینی ئاسمانی شین
بە رەهێڵەی شەقامی شێت و
بە شپرزەیی دڵێک کە بۆ تۆی لێ ئەدا؛
ڕێز گرە باوان...
کەم دڵۆپە وردیلانە خوێناوی دڵ و هەناوی لیخنمە!*
بێ تۆیی حەزێکە لە گورگی دەروونم دا
ئەلوورێنێ و بەرخی دڵم هەراس پێ دێنێ ،
ئەیکاتە کۆترەشینکەیەک...
پۆستەچی نامەکانت!
کە تۆ باوان ترین گراوی ئەم دەڤەرەی
من تەنیاترین مرۆڤی سەر زەویم ،
ئەفسانەیەکم بە دەست با و نیشتمانەوە
لە ماڵاواییتا فرمێسکێک بووم بە گۆنای حەسرەتمەوە
"ئاخ" ێک بووم بۆ پەنجەیەک بمسڕێتەوە...
من لە تاسەی هەناسەی سەوزتا
پاییز پاییز هەڵوەریم...
من پیر بووم
لە حەزی پڕ ئۆقرەترین سووچی ئامێزتا، باوان!
خودا لەعنەتم لێ کا** ، کە لە مەستیت دابڕام!
خودا لەعنەتم لێ کا ، کە هەناسەت کەسیرە بوون!
خودا لەعنەتم لێ کا...
ڕێبەندانی ١٣٩١
*بەشێک لە شێعرێکی حسەین پەناهی
** کاریگەری شێعرێکی بەختیار عەلی پێوە دیارە
بۆ دوا وەرزی کچانی ئاو و ئاوێنە ، بۆ پێکەنینی کوڕانی بیرەوەری...
دەست پێ ئەکەم. گرینگ نیە لە کوێوە. لە ئێوارە پیاسەکانی شەقامی ئەمیراباد و خەڵوەتە شارستانیەکانی پارکی گوفتوگوو. لە پانتای شەقامی پاییزان گەڵاڕێزان و بەهاران بەهەشت. نا ... زۆر سەختم گرتووە، وا نابێ. ئەسڵەن هەر لەم دەم پەنجەرەوە، هاوتەریبی چاوترووکانەکانی بورجی میلاد و شەکانەوەی گەڵای درەختەکان بە دەم بانگی بەیانی و جریوەجریوی چۆلەکە و تریفەی کزی ئەستێرە. کە خۆر، سنووری نێوان دار کاجەکە و لادیوارێکی خەوتنگەی فاتمی ئەبەزێنێ و ئەلەند هورووژم دێنێتە باوەشی پەنجەرەکان. کە لە لێواری سەربانێک نەخشی قەلە ڕەشەکان ئەکەوێتە سەر ئاسمانێکی مەیلەو شین، ئەوە گەورەترین بەڵگەیە بۆ رۆژ بوونەوە . ئەلەند چرکە بە چرکە پێ ئەگرێ و تیشکێکی نە گەرم و نە بێ تین ئاڕاستە ئەکا.
بیرم ئەڕوا بۆ ترمیناڵ . لە پاڵ هاواری برسی گەرووی شۆفیر تاکسیەکی زیتەڵەی قیرسیچمە، خۆم ئەبینم. هیلاکی ڕیگایەکی دوور و چاو خەواڵوو. بە دوو سێ جانتاوە لە سووچێکا وێستاوم و هیچ تاقەتی دەمەتەقەم نیە. "- اگە سە تومان میبرید کە بریم. - نە خانم، کسی با این قیمتا نمیبرە. - مهم نیست، با بی ار تی میرم. - حالا شما پنج تومان هم بدید میبریم. - اخرش چهار تومان، چهار تومان و یە قرونم نمیدم " بێ ئاگام کە چ شەش تمەن و چ سێ تمەن، ژیان هەر بەردەوامە و خوێنی بەرەبەیانێکی گەش لە هەموو شەقام و کۆڵانەکانی تاراندا خوڕەی دێ .
... درێژەکەی لە بەشی ادامە مطلب دایە!
سێ کورتیلە شێعری تر
١.
کۆچت، زۆرەملی قەدەر
داڕمانی ماڵی خولیام،
ئاسەواری دوایین سەفەر
سوێم دێتەوە
شای خەیاڵم،
لەم سەفەرە کەی دێیتەوە؟
٢.
من خۆری ئاوا بوونی دەم ئێوارەم
زەردەپەڕیش هەناسەمە
بەس ئاسۆ لە ئەستۆم ئەگرێ و
شەوەزەنگیش پێناسەمە
٣.
کە تۆ بڕۆی، حەز هەتیوە
لە بوونیشتا
دەستی تەنیام هەر تەزیوە
جرجاڵی ئەم بەستەڵەکە
دەلاقەی چاومی تەنیوە!
زستانی ١٣٩٠
ترپەی پێ
لە برژانگەکانمەوە بەر ئەبێتەوە
دەلاقەی چاوم دەتەنێ و
قەڵس قەڵس بەرۆکم ئەخووسێنێ
چاوەڕوانی!
سیس ئەبم بە ئەڵقەڕێزی دەروازەوە و
ئەپووکێمەوە لە ترپەی پێی
ڕێبوارە غەریبەکانی کۆڵاندا
کە قەت تۆ نەبووی !
ههر نههاتی و
پاییز له تهپ و تۆز نهتۆرا
ههنووکهم له رابردوودا لێ ون ئەبێ و
پهشیمان ئەبم له داهاتووم
بێزار ئەبم لە ئایەتەکانی بوون و
پڕ ئەبم لە هیچ
هیچ هیچ
کەس کەس
هیچ کەس سەرەندەرم ناکا
کە کۆڵانێکی تەنگەبەرم و
فوو ناکا لە چاوی ڕوانینم
کە پڕ تۆزی جەفایە.
هەتا شەوێ خەست ئەبمەوە و
شەو تا بەیان تنۆک تنۆک تراویلکەم
لە گەرووی هەنیسکێکەوە چرۆ ئەکەم و
جەستەم خەمڵاوی گوڵی بێناز...
دەبمە دوایین پێغەمبەری پەنجەرە و
پەڵێنی فەردەوسی ماچ ئەیەم بە تۆ ...
تۆش ،
لە دینی دەلاقە وەرگەڕاو و
بێ بروای بە پەرجۆی نیوەشەوانی کۆڵان...
ههناسهم لە هەناسەی بڕکەی کۆڵاندا
خلۆر ئهبێتهوه
خهو ئهمباتهوه تا نادیار و
تۆ به خهونی نامهیهکهوه ئهبینم!
۷/١/١٣٩١
چوار دانە شێعری چکۆلە چکۆلە
١.
ودمی گەرمی هەناسەتە، چرۆی دڵم دێنێتەدەر
بە تیرێژی پەنجەی نازت، باخی بەرۆکم دێتەبەر
سڵاو لە بەژنی عەرعەرت، هەتاهەتا تەماوەرم
چما لاولاوی لاوەتی، لە باڵای خۆزگەم بێتەسەر
٢.
تۆ دابارە
دەبمە چەتر
تیشک باوێژە
دەبمە هەور
گەر هەڵفڕی ئاسمانێکم
بووکی تاسەت بێ تارا بێ ،
بە سەمای گەش دەبمە بەور
٣.
شەوە زەنگە
چی ئەستێرەیە بێدەنگە
مانگ خەوتووە ئەمشەو ڕەنگە
گۆمی هەستم لێڵ و مەنگە
دڵم تەنگە
لەسەر گوڵی چاوەکانم
تنۆک تنۆک ئەسرین هەنگە
٤.
دەمەو بەیان
دێنە خوارێ نەرم و نیان
کلوو کلوو بەفری سپی و
لە چاوانم ئەسرین و ژان
زستانی ١٣٩٠
یادێک لە گوڵە زەرد و سوورەکانی سڵێمان بەگی بانە
...
رۆژی گەشاوەی ژیانی لە ئاسۆی سووری ماڵئاوایی دا شەوق ئەداتەوە و دوایین تیشکەکانی لە ١٩ی ڕیبەندانی ١٣٩٠ دا لە ئامیزی چیاکانی تا هەتەری چاو، بە ئۆقرەیەکی هەتایی ئەگا. تەرمی خەمڵاو بە غەم و پەژارەی هاوزوبانان و هۆگرانی، رۆژی ٢١ی ڕێبەندان لەسەر وەسیەتی خۆی دێتەوە بەرەو بانە. لە نێو ئاپۆرەی لاوانی ئەمەگدار و لە تەمی ماتەمین دا ئەسپەردە بە خاکی نیشتمانی ئەکەن. بەسەر حەشیمەتێکی کەم وێنەی دەستی پێزان، ئەبێتە شاگوڵی گوڵە زەرد و سوورەکانی سڵێمان بەگی بانە. سەری ڕێز و نەوازش دا ئەنەوێنین بۆ " دوکتور ئیبراهیم یوونسی" بوونیان... یادیان بەرز و پیرۆز، رۆحیان شاد
ئەوەکەی تریشیم لە، عەیب نەبێ "ادامە مطلب" داناوە!
هەندێک جار...
هەندێک جار
هەندێک وشە لە چەشنی ترپەی ناسکی دڵی ئاو
دەستەمۆ نابن
بۆ رووبارە حەزێکی سێل ئاسا ،
پڕ بە هەناسە نوقمم
پڕ بە نیگا قەتیسم
پڕ بە سەفەر دوورم
لە تۆ ،
لە زایەڵەی ئەوین !
حەزرەتـــــــــــی باوان !
هەندێک جار
کەروێشکە خەوێک ئەمبــــــــاتەوە
تا نادیاری خەونەکانت
لە گەنمەجاڕی سنگتدا و
باسکت پەرژینی خولیامە ،
دە تۆش ڕامەچەنە !
کە چیتر پەپوولە وێڵەکانی بێ تۆییم
لە پێدەشتی خەونەکانتا ون نەبن.
هەندێک جار
بێ هەناسە و بێ سانەوە شێعر ئەگریام و
کــــــــات ، لۆق درێژترین بیرەوەری بێ تۆییم بوو ...
هەندێک جار
هەودای دوایین هەناسەت
گرێم ئەیا بە ئیقلیمی وەهم و پووچ
هەندێک جار
لە تۆدا چەند زوڵاڵە مەرگ!!
١٣/١٠/١٣٩٠
وەریوم
لە ڕووتی جەستەمدا
وەک هاڵاوی ودمی هەناسەیەک
بە ئاوێنەی تەمەننایەکەوە
ئەبمە تەم و
پڕ ئەبم لە سکاڵای
(گەر شەرم قولاپەی خولیام بەردا) ماچ و
(گەر بەری نەدا)، سێ خاڵ ... !
کە تۆ ناسکترین کارەسات بی ،
من گوناحترین فرمێسکی سەرگۆنای حەسرەتێکم و
بەزەییم دێ بە لاوەتییەک
کە لە ڕاستەی شەقامی وەرزی غەمگین
هەر هەناسەی سارد و خشپەی زەرد و
شەوە بارانیش ، خەیاڵم پەلکێشی
حەوتەمین قاتی بێتاقی بێ تاقەتی ئاسمان ئەکا .
لە ژووری من تا ئەو پەڕی شەقامی بوونت
مەودایە چەند گەڵا و
نامە و
پرووشە ماچ و
قەتم مەودای خشپە و وشە بە لێو نەبڕیوە
پەپوولە لە دڵما تینووە ،
چەکەرەی نیگات لە چاوما سەوز نابێ و
کە نازانم
بەکرەی میرگەوەرت بۆ لە سێدارەی کام متمانە بەم ،
تکایە ، تۆ لێم مەپرسە :
"خانم نازت بە چەندی؟"
25/7/90
لە خۆم نامۆ
من سەرقافڵەی کچانی پاییزبردەڵەی نیشتمانێکم
ئەوەی لێم ون بووە ، ئەشقە و
ئەوەی لێم تێک چووە ، ناونیشانی پەنجەکانن
لە چاوترووکانی ئاسکە سرکەکانی پێدەشتی ئاسمان دا
دەبمە شەوارەی سوێی خەیاڵێکی یاخی و
لە خشپەی ئەم خەزەڵوەرە دا
گەڵا گەڵا هەنیسکی زەردم ...
خۆزگە بتزانیایە تۆ چ نیشتمانێکی و
من کچە گەڕۆکی لانەوازی بێ وڵات ...
گەر گوڵپەڕی تەڕی حەزت
بە هاڵاوی پەنجەم خۆ کۆ بکاتەوە ،
تاڵ
تاڵ
چاوەڕوانی لە ڕۆحم دەرئەکێشم و
ئەسپێرم کزە با هەڵمپروێنێ و
باویلکەکان لەم وڵاتەم دوور کەنەوە
کە چیتر دەستی خەیاڵت نەمگاتێ...!
٢٦/٨/١٣٩٠
قاقڕستان
1.
دیوارەکانت ڕماند و
من ماوم
درۆت بە گوێی کازیوەیا چپاند و
من ماوم
بەڵام ،
بترسە لە ئاهی پەپوولەکان
بۆ ئەو هەموو سوورە گوڵەی
لە ناکاوێ هەڵتپرواند
٢.
بەردووچکەیەکی زەبوون
حەوزی مەندی خەیاڵمی پێکا .
بزەی مانگ تێک شڵەژا ...
٣.
دەلاقەیەکی دەم بە تنۆک و
چۆڕە چۆڕ وەهمێکی شێدار
ئەتکێتە گوڵدانی خوساوی شەتڵە ریحانە و
باران هەراس دێنێ
بە گمەی تەڕی کۆتر و
من دیسان تەماویە دڵم
لەم قاقڕستانەدا ... !
بەهاری ١٣٩٠
تەم
پاییزە !
کزە با ،
ترسی خەزانێکی سارد بە گوێی نێرگزدا ئەچپێنێ و
داهۆڵێکم !
چۆلەکە دڵتەنگیەکانی هیچ ئاسمانێک
سڵم لێ ناکەن !
١٥/٧/١٣٩٠
ناکۆک
بریقەی تنۆکێک ئاو
بە لێوی گۆزێکەوە
ئەمباتەوە بۆ سەرەتای مەلافە و نوور ،
کە بتکێ
پڕینچکێک
ئاوێنەی خەیاڵێکی ئاوس
ئەخاتە گریان !
کە کاتژمێر تەڵاقی کەوت
لە ڕسواترین شعووری سەردەم ،
من پەشیمان بووم لە داهاتوویەک
کە کازیوەکانی هەنیسکی شینی پەنجەرە
سەوز ئەکەن !
کە من بێدەسەڵاتی چنینی سێوێک بم
لە لقی حەزێکی وەهماوی و تۆ
تارێک پەنجەی حەسرەتت بژەنێ
شەو ئەشێوێ و
چ ناکــــــــــۆک !
کە بشزانم زهڕنهقووتهی ههموو ئاواتهکانت
له بهرۆکی منهوه باڵهفڕه ئەبن
من هەر مەحکوومم بە کچێنیەکی کۆتراوی و
تۆ ئاڵۆزترین تەونۆکەی ،
سەری حەوانەوەی ئەشکەوتە خەونێکت لە من شێواندووە !
٢٥/۵/١٣٩٠
دایخورپێنە
١.
کەی دێی ...؟!
کە پاساریەکانی ئەم شارە
هەموویان جگەرە بە لێو و
شنەش سک پڕی ڕەشەبایە.
پڕتەقاڵی نەخۆشم
سەوز وەرە ،
کە مداڵی گەردنی گەڕەکی ئەوانێک ئاوا
بێ نازترە لە تریفەی شەوەزەنگ !
٢.
چیتر پێویست ناکا شاعیر بی
بوونت ، درێژترین قەسیدەیە
کە تۆ یانی
دەرچوونی ڕۆح
لە سەرپەنجەکای موچڕکانی لەززەتەوە
دەستت یانی
پووچەڵ بوونەوەی چی فەلسەفەی دوگمەی داخراو
بزەت یانی
داڕمانی وەحشی ترین من
لە دەستەمۆترین فرمێسکە حەزدا
ئیتر من چ پێویستم بە زایەڵەی سەوزە ،
کە ژیان تۆی !
٣.
کە بزە قەرزداری تۆیە و
من ناگەمە سێبەری خۆم ،
کام نیشتمان لە خۆمان گرێ ؟
دایخورپێنە ...
نیشتمانی پەپوولە چاوەڕێمانە !
٨/٤/١٣٩٠
نەرمە خەیاڵ
١.
لێرە
کهسێک ،
رهنگه کچێک
تهنیایه .
ئەمشۆ مانگ گیرا !
٢.
حەزێکی حەرام
لە مەودای دوو نیگایا
گیان ئەیا و
گڕ ئەگرێ ،
گڕووی گەشەی خولیام
٣.
ڕوومەتی ژێر نەرمە نووری بەرین شەقامی نیوە شەو
ئەمکاتە سەرشێت ترین دەرگاوانی ڕۆحی
تەسکە کۆڵانێکی ئاوس
کە تۆی
٤.
پرووشە بەفری نێوەڕاستی شەقامی شەو و
هاڵاوی پێنج پەنجە
کە پڕ ئەکاتەوە
شوێن پێی تەزیوی
چوار هەنگاوی بزێو
٧/٤/١٣٩٠
به شێعر وهمخوێنه
بزهی ئاوێنه له فرمێسکی تریفهیا
کوێر بۆتهوه
با نههێڵین نهغمهی نوور له زاری مهلێک بتۆرێ
نهمان بۆ یاسا
با نههێڵین هیچ دوو کهڕهت دوویهک ببێته چوار
بژی خۆڵهمێش
نهمری ئاژهڵ
تکایه ،
مههێڵن ڕووت وهبم
من شهرم ئهکهم له چاوی سهگ و
دڵنیام پیر ئهبم .
ئهی تۆ کهی تاقهتی من ماچ ئهکهی؟
کهی گریانم رائهمووسی؟
وهره من پرتهقاڵی پێبکهنه
بهڵام پێڵاوهکانم مهبزێوه
برینداری سهفهرێکه قاچم
دهست مهبه بۆ دڵم
عاقڵه !
دێڕ به دێڕ ، وشه به وشه بمخوێنهوه
سڵاو له ژیان
بڕۆ تا عهتری جاتره و بۆنی کتێب
بڕۆ بۆ دێ
بۆ تاران
بۆ شێعر
بوهسته ، بوهسته ... تکایه تێمپهڕێنه
لێم وهکه
گرمۆڵهم که و بمخهره زبڵدانێکی پڕتهقاڵی
بڕۆ بۆ نههاتووی ئهبهدی من
بڕۆ بۆ نور
وهمخوێنه تا نێوقهدی خوا
به شێعر وهمخوێنه
به فهلسهفه نا
به یاسا نا ، به پهنجه
بمکێشهوه ، ئهرخهوانی
ڕهنگم که ، سهوز
بمشهکێنهوه ، سپی
به قهڵهم ، تکایه به قهڵهم
خودکار له سڕینهوه نایا
هاکا رۆژێک له تابلۆکهت ژیوان بوومهوه
ئاخر بهوه نیه گاز ناگرم و ناوهڕم
منیش ئینسانم
تکایه به قهڵهم .
نزمتر چاو داگره
ئێستا دڵنیام
که ههموو ئهستێرهکان له مانگ گهورهترن
تاریک و ڕوون بمدوێنه و
زوڵاڵ ماچم که
دهستم بگره و بمبه
پوونهک تاڵه ،
وهنهک دووره و
گیشا خۆڵ باران
ئازادیم بۆ بێنه ئێڤین
بمبه بۆ شاری مێرووله
ئهو دیو پهرژینم بۆ بکهره ژوانگه
ههناسهی گهرمم بۆ بکڕه
سهیرم که با باران ببارێ
مهترسه ،
له پاکترین کوڕێنیتا ، بێ دهسهڵات ترین کچم ...
20/2/1390
ههنار
من دڵ پڕترین ههناری ئهم دهڤهرهم
له پهشیمانی .
تۆ تا کهی مهست ئهکهی به ئاو ههنار ؟
ئێستا
بڵێی بگوورێ ؟
من دارێک ئهناسم
بێ گهڵا
بێ بهر
بێ سێبهر
زریکهی زووخ
به لقهکانیا شۆڕ بۆتهوه
به تهنافێکهوه .
من ژنێک ئهناسم
بهردهوام تاسهی سێو ئهکا .
من کچێک ئهناسم
له لا دێ
له پاڵ ههموو شهتڵه تهماتهکانهوه
ئاواتی پهمهیی ئهنێژێ ،
بڵێی بگوورێ؟!
من کوڕێک ئهناسم
پێی وایه کچ ئاوێنهیه
پیرهژنێک ئهناسم
بیر له ههرمان ناکاتهوه
له مهرگ ناترسێ .
من خوشکێکم ههیه
له ههوره تریشقه ئهترسێ .
براکهم پێی سهیره
گهر کچه دراوسێکهمان
ناوی ئارهزوو بێ .
دڵنیام باوکم
قهت قهتی من له گوڵدانێکا نهدیوه .
دایکم پێی وایه
من ئهبێ ههموو ساڵێک
له باغچهی حهوشهکهمانا سهوز ببمهوه .
من ،
منێک ئهناسم
پێغهمبهری بێتاقهتیهکی پیرۆزه
زستانی۱۳۸۹
نازانم
دوو شهوه لووتم نهپژاوه
کهچی سهرینهکهم ههر به ههنیسکهوه سهر ئهنێتهوه
نازانم بۆ کاتێک مهرگ به ئاوات ئهخوازم
له پهنجهرهکهم ئهکهومه خوار و
لهو گهڕهکه ماڵهیا
باران
تهنیا لهسهر ژوورهکهی من وشک ئهکاتهوه
نازانم به کام ماسوولکهی بڤڤه
سنووری قهدهغه ئهبهزێنم !
باران بهسهر بارینما ئهبارێ
کهچی کراسهکهت ههر یهک توێیه !
ههتاو کهوتنانی پڕ پرسیاری شهوه بارانێک
نازانم بۆ یهکێ بهردهوام بانگ ئهکا :
هۆۆۆ خاتوون ... کورسییهکمان خاڵییه !
بێ ئاگایه که من له لقی ههموو دارهکان وهریوم و
له پیاسهی کۆڵانه پاییزێکا
سهمفۆنیای خشپه خشپ لهبهر ئهکهم
من نازانم بۆ که ئێستاش باران ئهبارێ
تهڕ ئهبم !
حهیام نهگرتووه و بێ حهیایی گرتوومی
چاوهڕێم بهرم با
چاو غافڵ کا گرتوومه
ئهرێ باوان من نازانم
بۆ داری حهوشهکهت سهوز نیه ؟!
بۆ باخچهکهت گوڵهباخی لێ ناڕوێ ؟!
بۆ کۆلکه زێڕینه به رۆژههڵاتی ماڵهکهت نامۆیه ؟!
بۆ کاتێک شهیتان به بهر پهنجهرهکهتا تێپهڕ ئهبێ
ههرگیزاو ههرگیز له کڕنۆش نهبردنی پهشیمان نیه؟!
ههر بهڕاست باوان
من نازانم بۆ ناتناسم !
22/1/1390
سهفهر
لهو دیو دهلاقهکانی عهدهمهوه
سهفهر بانگم ئهکا
مێژووی وهرزێکی ئهرخهوانیم له کۆڵه
شهقاو ئهنێمهوه بهسهر تهنیاییما
کۆترێک له گڕی ههناسهم ئاو ئهخواتهوه
نزگهرهی چاوم
له لهرزۆکترین ئهژنۆی مهلهکووتا پشووی دێ .
تازه خهوی هیچ رههێڵهیهک تهڕم ناکا
من شهستهی کۆڵانهکهم ناگۆڕمهوه
به متافیزیای حهزێکی لیخن
شهرمی یهکهم ماچ نافرۆشم
به ماچ
من تا به خۆر قهرزدار بم
مانگ ناخهمه بوخچهکهمهوه .
سهفهر مهودا به مهودا دهنگ ههڵئهبڕێ و
پێم خاوسه له ترس
پێڵاوهکانم ژاری جاده به قوڕگهوه ئهنێن
ئێره بنی دنیای گۆڕستانی گهردوونه
چهترهکهم بهسهر ئاسمانا ئهبارێ و
ههوره برووسکه ، دزه ماچی دهم ئێوارانم
شهق ئهکا
نێرینه حۆریهک له جانتاکهما سهما ئهکا
نیگام ههر له فڕینه
بۆ سێوه کاڵهکانی حهساری قیامهت
زیواجی ئهبهدییهت و گورگهزێیه
سهفهر لێی گێڕاومهوه
16/1/1390
باران
(1)
ئیتر نه بهفر
نه تهرزه
نه باران ،
شوێن پێی ماچه درۆیینهکانت ناشواتهوه .
چهترهکهم بهرێ !
(2)
لهو دیو پهنجهرهوه
من ئهبارم و
لهم دیو پهنجهرهوه
دانیشتووی .
پێت سهیر نیه ؟
ئاسمانی من شینه !
(3)
گهر له بارانا رۆیشتی ،
چهترێک لهگهڵ خۆت مهبه .
لێ گهرێ با تهڕ و تڵیس بگهڕێمهوه .
(4)
باران ئهبارێ و
من
ئهتوێمهوه .
ئهم چڵپاوڕووباره بۆ کوێم ئهبا ؟
1/1/1390
تراژێدی
من سهرهتایی ترم له پێنج شهممه
له ئهزهلی بارانهوه هاتووم
بۆ ئهبهدی تۆ رێ ئهبڕم
پێغهمبهری بێتاقهتییهکی پیرۆزم
پێنج شهممه ههنووکه ژانه
رێگه خوساوی بارانه
چ کوشنده ئازارێکه
کانگای ئهو چۆڵه جێژوانه
کۆرپهی ئازارێک
لانکهی خهمی جێ هێشتووه
داره داره
به گشت رۆحما ههڵئهزنێ
هاکا رۆژێک بوو به لاوێک
مۆسیقای مهرگم بژهنێ
30/7/1389
سروودی سکاڵا
له ساتهوهختی ماڵاواییدا
ههناسهکانم دوا به دوای یهکا
خنکان
دوو چاوی پڕ فرمێسکی لێوت
سروودی سکاڵایان دهخوێند
ماچ
له جانتاکهتا سهرهتاتکهی بوو
شهرم
له بهرۆکما ئهتوایهوه
تۆ پێم ناڵێی خهڵکی کامه دهڤهری خۆشهویستیت ؟!
ئهی بێ رهحم...
6/6/1389
غوربهتی تۆخ
له گۆپکه چرۆی ئهوینێکدا
به پانتایی باغچهکهمان سهوز ئهبم
خهمڵاوه غهمبارهکهی کۆڵانێکی قسرم
تهلیسم کراوی تریفهی مانگه شهوێکی نهزۆک
هێلانهی کوکوختیهکان ترازاوه
ئاوێنه درزی بردووه
دهمێک ساڵه کۆلکهزێڕینهش نهبینراوه
بهڵام ئێستاش
شهڕاب به ژوانت مهست ئهبێ
له پێنجهمین پهنجهرهی ژوورهکهمهوه
تاسهت دهکهم
وهره باوان وهره
وهره ببینه غوربهتی ئهم ئێوارهیهم چهند تۆخه !
3/5/1389
پهراوێزی من و تۆ
من قهتیسم له داوێن پیس ترین تهنیایی
تا کازیوه به ههموو چرکهکانهوه ئاوس ئهبم
رۆژههڵاتان من له دایک ئهبم
له پهراوێزی "من" و " تۆ "
ئهگهم به خۆم
به خهم
به خوا
به خاک
به خاچ
به ماچ
به پاکترین ههوهسی قهیره کچێکی شهرمن
هاااااااا سهیر که
ئێوارهیه
دڵم دیسان شهوارهی
خهیاڵاویترین دیمهنی کچانهیه
زۆر ئهترسم بترسم له ترسان
ترسی شهرمێک رهجم ئهکهم
له ژوانێک
له جهنگهی خۆش رامووسانێک
بهڵێن ئهیهم له دایک بم
۲۲/۳/۱۳۸۹
که تۆ دوور بی
دهرکه ئاواڵه
ههر دوو دهلاقهی پهنجهرهکهم دێن و دهچن
ئاسمان ههورین و زهوی تاڵ و توون
ئاسۆی ئێوارێکی تووڕهم لێ دیاره
ئهنووسمهوه:
دووری ......دوورم
ئهڕژێته سهر لاپهڕهکان
له چاوم فرمێسکی سوورم
دڵ پڕ تاسهی ههناسێکتم
هێدی هێدی شهپۆلی حهز،له دهمارهکانما بپژێنێ
ئهویناوی خۆشهویستیت
له چۆڕاوگهی شهوهزهنگا
تنۆک
تنۆک
ناخی ماندووم بخووسێنێ
که تۆ دوور بی
ههودای وێڵی نیگای ڕووتم
له داوی چاوی کێ گیر بێ ؟
وهره باوان
چهپکێک ئاواتی حهوت رهنگ
دیاری رۆژی "خۆزگه"مان بێ
28/11/1388
